01:16 / 09.02.2018
19355

Akula va toshbaqa olishuvi (video)

Internetda katta yo‘lbars akula va dengiz toshbaqasining olishuvi videosi paydo bo‘ldi. Video Daniel Braunning Instagram’dagi sahifasida joylashtirilgan.

“Bugun men, ehtimol, yovvoyi tabiatdagi eng qiziqarli hodisa guvohi bo‘ldim. Katta yo‘lbars akulasi dengiz toshbaqasini yemoqchi bo‘ldi. Keyingi yuz bergan holatdan og‘zim ochilib qoldi. Toshbaqa hujumga uchraganda akulani tishlab hamda kosasini qalqon sifatida qo‘llab qarshilik ko‘rsatdi”, deb izoh bergan foydalanuvchi rolikka.

Braun va uning do‘stlari olishuvni suv ostida olishga qaror qilishgan va bir necha kundan keyin yana bir videoni joylashtirishgan.

Ko‘pchilik foydalanuvchilar bu olishuvda, albatta, kuchsizroq tomon – toshbaqa uchun jon kuydirishgan.

“Qanday jangchi!”, deb yozgan crysthefish niki ostidagi foydalanuvchi.

“Yo Tangrim! Men toshbaqa akula bilan bunday jasorat bilan olishishini tasavvur ham qilmagandim!”, deb izoh bergan foydalanuvchilardan yana biri.

“Bu toshbaqa shon-shuhrat medaliga loyiq!”, deb fikr bildirgan sabrina_velasco deb nomlangan foydalanuvchi.

 

Top