08:43 / 22.02.2018
10056

Tramp o‘qituvchilarni qurollantirishni taklif qildi

Foto: Reuters

AQSh prezidenti maktab o‘qituvchilari va xodimlariga jinoyatchilarning hujumidan himoyalanish uchun yashirin tarzda qurol olib yurishga ruxsat berishni taklif qildi. 

AQShda qurol aylanmasini cheklash haqida bahslar Parklend shahridagi maktabda otishma sodir etilgandan keyin yana yangi kuch bilan boshlandi. 

“Bunda o‘qituvchining yonida yashirin qurol bo‘lardi. Ular maxsus tayyorgarlikdan o‘tardilar. Ular maktabda bo‘lardilar va boshqa quroldan xoli hudud bo‘lmasdi”, deb aytgan Tramp maktablar o‘qituvchilari va o‘quvchilari bilan uchrashuvda. Uchrashuvda otishma sodir etilgan maktab vakillari ham qatnashgan.

Tramp jinoyatchilar aynan shunday “quroldan xoli hududlar”da odamlarni o‘qqa tutib va ularga hech kim javoban o‘q otmasligini tushungan holda xinoyatlarni sodir etishga harakat qiladilar. U o‘qituvchilarni qurollantirishdan tashqari, maktablarga sobiq harbiylarni qo‘riqchilar qilib olishni taklif qilgan.

Tramp, hujumlar o‘rtacha 3 daqiqa sodir etilishi, politsiyaga esa voqea joyiga yetib kelish uchun 5-10 daqiqa talab qilinishini eslatib o‘tdi. Tramp “uning taklifiga ko‘pchilik qarshi bo‘lishini, biroq boshqalarga ma'qul kelishini” aytgan.

Prezident qurol sotib olishga ruxsatlarni berishda tekshiruv qoidalarini jiddiy qat'iylashtirishga va'da berdi. Uning aytishicha, keyingi haftada bir qator shtatlar vakillari bilan maktablardagi xavfsizlik mavzusi muhokama qilinmoqchi. “Biz eng jiddiy, eng muhim, naf beradigan takliflarni tanlab olamiz va ular ishlashi uchun barcha ishni qilamiz”, deb aytgan Tramp.  

AQShda qurol olib yurish huquqi konstitutsiyaga ikkinchi tuzatma bilan kafolatgan. 

Hozirda sudlanganlik, ruhiy kasallik mavjudligi va boshqa omillar qurol sotib olishda to‘sqinlik qilishi mumkin, biroq oxirgi ommaviy qotilliklarning ko‘rsatishicha, bu tizim ko‘pincha pand bermoqda. 

Tramp saylovoldi kampaniyasi davomida qurol sotishni cheklashni qo‘llab-quvvatlagandi. 

Top