14:25 / 24.02.2018
11223
Toshkentdagi qabristonlarda keng ko‘lamli hashar ishlari olib borilmoqda
Foto: Musulmonlari idorasi Toshkent shahar vakilligi

Yaqinda muqaddas qadamjolar, ziyoratgohlar, masjidlar va qabristonlarni obodonlashtirish ishlarini samarali tashkil etish to‘g‘risidagi Hukumat qarori qabul qilingan edi. 

Qarorga asosan yurtimizdagi muqaddas qadamjolar, ziyoratgohlar, masjidlar va qabristonlarni obod qilish hamda ularda muqaddas maskanlarni qadrlash, saqlash va ajdodlar xotirasiga hurmat-ehtirom ko‘rsatish bo‘yicha alohida chora-tadbirlar belgilab qo‘yilgan. Shuningdek, bu yo‘nalishdagi obodonlashtirish ishlari uchun mahalliy byudjyetlariga 3 milliard so‘mdan mablag‘ ajratilishi nazarda tutilgan.

O‘zbekiston Musulmonlari idorasi Toshkent shahar vakilligi Matbuot xizmatining xabar berishicha, 24-25 fevral kunlari poytaxtdagi mavjud qabristonlar, ziyoratgohlarda ham keng ko‘lamli hashar ishlari olib borilishi rejalashtirildi. 

Foto: Musulmonlari idorasi Toshkent shahar vakilligi
Foto: Musulmonlari idorasi Toshkent shahar vakilligi

«Kuni kecha imom-xatiblarning Juma mav'izasi yakunida hamyurtlarimizni qabristonlarni ziyorat qilib, obod etishlikka chaqiriqlariga labbay deya javob bergan yurtdoshlarimiz bugun ana shu savobi ulug‘ tadbirga jam bo‘lishib, hasharga kirishib ketdilar», - deyiladi xabarda.

Foto: Musulmonlari idorasi Toshkent shahar vakilligi

Hashar doirasida qabriston va uning hududi tartibga keltirilmoqda, bir necha yil davomida ta'mirlanmagan qarovsiz yodgorliklar suvalmoqda, ta'mirlanmoqda. Ariqlar va yo‘laklar tozalanib, dov-daraxtlarni bo‘tash ishlari amalga oshirilmoqda.

Foto: Musulmonlari idorasi Toshkent shahar vakilligi
Foto: Musulmonlari idorasi Toshkent shahar vakilligi
Foto: Musulmonlari idorasi Toshkent shahar vakilligi
Mavzuga oid
Top