WSB seriyasiga kiruvchi musobaqada ishtirok etayotgan «Uzbek Tigers» va «Cuba Domadores» jamoalari o‘rtasidagi boks kechasining navbatdagi jangi bo‘lib o‘tdi.
-56 kg vazn toifasida ringga ko‘tarilgan Shahobiddin Zoirov «Cuba Domadores» vakili Robeysi Ramiresga qarshi ringga ko‘tarildi.
Besh raund davom etgan jangda hakamlar qaroriga ko‘ra «Uzbek Tigers» vakili, Rio Olimpiadasi chempioni Shahobiddin Zoirov 4:1 hisobida g‘alaba qozondi.
Olimpiada chempionligidan keyin ancha vaqt katta janglarda ishtirok etmagan Shahobiddin Zoirov uchun qaytish jangiga aylangan bu jangdan so‘ng «Uzbek Tigers» - «Cuba Domadores» jamoalari o‘rtasidagi hisob 2:0 ko‘rinishini oldi.
Navbatdagi jangda -64 kg vazn toifasi vakili Iqboljon Xoldorov Endi Kruzga qarshi ringga chiqadi.