Foto: AP
Turkiya va Iroq hukumati Iroq shimolida Kurdiston ishchi partiyasiga qarshi qo‘shma harbiy amaliyotni o‘tkazadi. Bu haqda Turkiya TIV rahbari Mavlud Chavusho‘g‘li ma'lum qildi, deb xabar bermoqda CNN Turk.
Chavusho‘g‘lining so‘zlariga ko‘ra, Iroq hukumati 12 maydagi parlamentlik saylovlaridan so‘ng amaliyotni boshlamoqchi.
«Iroq hukumati mamlakatni terrorchilik tashkilotlaridan tozalashni xohlamoqda», - deya bunday qarorga izoh bergan turkiyalik vazir.
Anqara ayni damda Suriyaning Afrinida kurdlarga qarshi «Zaytun novdasi» nomli harbiy amaliyotni o‘tkazmoqda.
