O‘zbekiston Respublikasi Moliya vazirligi, Davlat soliq qo‘mitasining qarori bilan Soliq maslahatchisi malaka sertifikatini berish, uning amal qilishini tugatish va uni bekor qilish tartibi to‘g‘risidagi nizomning 7-bandiga o‘zgartirish kiritildi.
Hujjat O‘zbekiston Respublikasi Adliya vazirligi tomonidan 2018 yil 9 martda ro‘yxatdan o‘tkazilgan.
O‘zbekiston Respublikasi Vazirlar Mahkamasining 2017 yil 20 dekabrdagi 1001-son «O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida (O‘zbekiston Respublikasi Prezidentining «Huquqbuzarliklar profilaktikasi va jinoyatchilikka qarshi kurashish tizimini yanada takomillashtirish chora-tadbirlari to‘g‘risida» 2017 yil 14 martdagi PQ-2833-son qarori)»gi qaroriga muvofiq O‘zbekiston Respublikasi Moliya vazirligi va Davlat soliq qo‘mitasi qaror qildi:
1. O‘zbekiston Respublikasi Moliya vazirligi va Davlat soliq qo‘mitasining 2007 yil 17 dekabrdagi 107 va 2007-64-son qarori (ro‘yxat raqami 1750, 2007 yil 17 dekabr) (O‘zbekiston Respublikasi qonun hujjatlari to‘plami, 2007 y., 50-51-son, 531-modda) bilan tasdiqlangan Soliq maslahatchisi malaka sertifikatini berish, uning amal qilishini tugatish va uni bekor qilish tartibi to‘g‘risidagi nizomning 7-bandidan «notarial tasdiqlangan» degan so‘zlar chiqarib tashlandi.
2. Mazkur qaror rasmiy e'lon qilingan kundan e'tiboran kuchga kiradi.