O‘zbekiston Respublikasi, Qozog‘iston Respublikasi va Turkmaniston o‘rtasida uch davlatning chegaralari tutashgan hududi to‘g‘risidagi Shartnomani ratifikatsiya qilish to‘g‘risidagi Qonun imzolandi. Bu haqda Adliya vazirligi axborot xizmati xabar bermoqda.
Eslatib o‘tamiz, mazkur shartnoma 2017 yil 1 noyabr kuni Samarqand shahrida tuzilgan edi.
Shuningdek, O‘zbekiston Respublikasi bilan Afg‘oniston Islom Respublikasi o‘rtasida fuqarolik, oilaviy va jinoiy ishlar bo‘yicha o‘zaro huquqiy yordam to‘g‘risidagi Shartnomani ratifikatsiya qilish to‘g‘risidagi Qonun imzolandi.
Mazkur Shartnoma 2017 yil 5 dekabrda Samarqand shahrida tuzilgan edi.
