Armaniston prezidenti Armen Sarkisyan hukmron partiya raisi, sobiq bosh vazir Serj Sargsyan va muxolif harakat yetakchisi Nikol Pashinyan bilan uchrashuvlar o‘tkazdi. Bu haqda davlat rahbari matbuot xizmati xabar bergan.
«Prezident Sarkisyan 26 aprel kuni muxolif harakat yetakchisi Nikol Pashinyan bilan uchrashdi. U bu uchrashuvdan so‘ng ichki siyosiy inqirozga yechim topish maqsadida munozaralarni davom ettirmoqda», - deya ta'kidlanadi xabarda.
Matbuot xizmatidan qo‘shimcha qilishlaricha, Sarkisyan hukmron Respublika partiyasi raisi va o‘rinbosari Serj Sargsyan hamda Karen Karapetyan bilan ham uchrashgan.
«Uchrashuvlar konstruktiv ahamiyatga ega. Prezidentning umid qilishicha, qo‘shma sa'y-harakatlar orqali barchani qanoatlantiruvchi yechim topiladi», - deya qayd etib o‘tishgan matbuot xizmatidan.
Eslatib o‘tamiz, avvalroq Armaniston vaqtinchalik bosh vaziri Pashinyan bilan muzokaralarni rad etgandi.
