O‘zbekiston Respublikasi Jinoyat kodeksi 159-moddasi 4 qismida nazarda tutilgan jinoyatni amalga oshirganlikda ayblanayotgan jurnalist Bobomurod Abdullayev, blogger va o‘qituvchi Hayotxon Nasriddinov, ishbilarmon Ravshan Salayev va Shavkat Olloyorovga nisbatan yuritilayotgan sud ishi o‘z nihoyasiga yetdi. Bu haqda sud majlisida ishtirok etgan Kun.uz muxbiri xabar bermoqda.
Bugun, 4 may kuni sudlanuvchi Shavkat Olloyorov sud majlisida so‘nggi so‘zini aytib, unga nisbatan oqlov hukmi chiqarilishini so‘radi. Sudya Zafar Nurmatov esa dushanba, 7 may kuni soat 16:00ga qadar sud maslahatlashuvga kirishini e'lon qildi.
Shunday qilib, hukm 7 may kuni o‘qib eshittirilishi aytilmoqda.
Mavzuga oid: Prokuror Bobomurod Abdullayevni 5 yilga ozodlikdan mahrum etishni so‘radi
«So‘z erkinligi bo‘lganda, men yashirinmasdim». Bobomurod Abdullayev ishi yakunlandi
