11:29 / 04.05.2018
12865

Jurnalistika sohasida «Oltin qalam» XIII Milliy mukofoti g‘olib va sovrindorlari

Foto: O‘zMTRK

3 may — Jahon matbuoti erkinligi kunida poytaxtdagi «Turkiston» saroyida «Oltin qalam» milliy mukofotining topshirish marosimi bo‘lib o‘tdi. Jurnalistlarga shuningdek milliy va xalqaro hamkorlar ta'sis etgan nominatsiyalar bo‘yicha ham mukofotlar topshirildi. O‘zA barcha mukofotlanganlarning umumiy ro‘yxatini keltirdi.

Asosiy mukofotlar:

Eng yaxshi jurnalistik material uchun milliy mukofot (televideniye):

1-o‘rin: Nazira Mambetsharipova — «O‘zbekiston-24» telekanali bo‘lim mudiri.

Mamlakatimizda amalga oshirilayotgan siyosiy, ijtimoiy-iqtisodiy, madaniy islohotlar jarayoni, keng ko‘lamli bunyodkorlik ishlari yoritilgan materiallari uchun

2-o‘rin: Nasriddin Asriddinov — «Milliy» telekanali bosh muharriri

Xalqimizning boy madaniy-ma'naviy merosini asrab-avaylash va yanada boyitish, milliy urf-odatlar va qadriyatlarimizni aholi o‘rtasida targ‘ib etishga bag‘ishlangan ko‘rsatuvlari uchun

3-o‘rin: Murodbek Otajonov — Xorazm viloyati teleradiokompaniyasi xodimi

Mamlakatning intellektual va texnologik salohiyatini oshirish, innovatsiyani rivojlantirishning zamonaviy infratuzilmasini shakllantirish borasida olib borilayotgan chora-tadbirlar haqidagi ko‘rsatuvlari uchun

Eng yaxshi jurnalistik material uchun (radio):

1-o‘rin: Uljamol Xonnayeva — «Yoshlar» teleradiokanali sharhlovchisi

Yuksak ma'naviyatli, mustaqil fikrli, keng dunyoqarashli yoshlarni voyaga yetkazish yo‘lida amalga oshirilayotgan ishlar haqidagi «Yoshlar studiyasi», «Nom» va «Xalqona» dasturlari uchun

2-o‘rin: Mohichehra To‘laganova — «Mahalla» teleradiokanali DUK «Mahalla» radiokanali muharriri

Tashqi va ichki turizmni rivojlantirish, fuqarolarni mamlakatimizning madaniy-tarixiy merosi hamda tabiiy boyliklari bilan tanishtirish borasidagi eshittirishlari uchun

3-o‘rin: Umrzoq Hamdamov — Jizzax viloyati teleradiokompaniyasi katta muharriri 

Viloyatda ijtimoiy, ma'naviy-ma'rifiy sohadagi yangilanishlar, maktabgacha ta'lim tizimini yanada takomillashtirishga qaratilgan materiallari uchun

Eng yaxshi jurnalistik material uchun (matbuot):

1-o‘rin: Zulfiya Mo‘minova — Erkin ijodkor 

Ma'naviy-ma'rifiy sohalardagi yangilanishlar va muammolar, shuningdek, «Xalq bilan muloqot va inson manfaatlari yili» Davlat dasturi ijrosiga oid turkum tahliliy maqolalari uchun

2-o‘rin: Davlatjon Polvonov — «Bag‘dod hayoti» gazetasi bosh muharriri

Dolzarb ijtimoiy-ma'naviy mavzular, ayniqsa, hududlarda xalqimiz hayoti, aholining turmush farovonligini oshirishga qaratilgan yangilanishlar jarayoni yoritilgan chiqishlari uchun

3-o‘rin: «Ovozi Samarqand» gazetasi tahririyati — Bosh muharrir Bahodir Rahmonov

Viloyatda barcha sohalarda amalga oshirilayotgan islohotlar jarayoni, millatlararo do‘stlik va totuvlik targ‘ibotiga qo‘shayotgan hissasi uchun

Eng yaxshi jurnalistik material uchun (Internet-jurnalistika):

1-o‘rin: Baxtiyor Nasimov — Daryo.uz internet nashri sharhlovchisi

Qonun ustuvorligi va faol fuqarolik pozitsiyalarini shakllantirish, demokratik jarayonlarni o‘zida aks ettirgan turkum materiallari uchun

2-o‘rin: Qoraqalpog‘iston axborot agentligining kknews.uz veb-sayti — Direktor Yesimqan Qanaatov

Mamlakatimizda amalga oshirilayotgan yangilanishlar jarayoni, ayniqsa, Qoraqalpog‘iston Respublikasining tarixi, madaniyati va bugungi kuni haqida internet tarmog‘ida e'lon qilingan materiallari uchun

3-o‘rin: Yuriy Chernogayev — Anhor.uz veb-sayti sharhlovchisi

«Tinchlik jarayoni, xavfsizlik sohasida hamkorlik va mintaqaviy sheriklik» mavzusidagi Toshkent xalqaro konferensiyasiga bag‘ishlangan materiallari uchun

Rag‘batlantiruvchi mukofotlar bo‘yicha:

«Eng yaxshi matbuot xizmati» nominatsiyasi:

Axborot texnologiyalari va kommunikatsiyalarini rivojlantirish vazirligi matbuot xizmati. Matbuot xizmati rahbari — Elbek Dolimov

«Eng yaxshi fotoreportaj uchun» nominatsiyasi:

A'lo Abdullayev. O‘zbekiston Milliy axborot agentligi — O‘zA Fotoaxborot tahririyati fotomuxbiri

«Ommaviy axborot vositalarida kitobxonlik madaniyati targ‘ib qilingan eng yaxshi material uchun» nominatsiyasi:

«Toshkent» telekanali Ma'rifiy-ko‘ngilochar va kinodasturlar bosh muharririyati. Guruh rahbari — Dildora Mardiyeva

«Chet ellik jurnalistning O‘zbekiston haqidagi eng yaxshi materiali uchun» nominatsiyasi:

Osman Go‘kmen (Turkiya). «TRT» teleradiokompaniyasining O‘zbekistondagi vakolatxonasi rahbari

Milliy hamkorlar ta'sis etgan nominatsiyalar

O‘zbekiston Kasaba uyushmalari federatsiyasi kengashi:

1. «Mehnat munosabatlari yoritilgan eng yaxshi material uchun»: Nargiza Shoislomova, «O‘zbekiston-24» telekanali muxbiri.

2. «Ijtimoiy sheriklik mavzusi yoritilgan eng yaxshi material uchun»: Muhabbat To‘raboyeva, «Ishonch» gazetasining Xorazm viloyati bo‘yicha muxbiri.

O‘zbekiston Mustaqil bosma OAV va axborot agentliklarini qo‘llab-quvvatlash va rivojlantirish jamoat fondi:

1. «Innovatsion g‘oyalarni targ‘ib etgan eng faol jurnalist»: Aziz Qarshiyev, «Kun.uz» yangiliklar veb-sayti jurnalisti.

2. «Xalq bilan muloqot va inson manfaatlari yili» Davlat dasturi ijrosini yoritgan eng faol jurnalist»: Behzod Qobulov, «Ohangaron hayoti» gazetasi bosh muharriri.

Xalqaro hamkorlar ta'sis etgan nominatsiyalar

YuNeSKOning O‘zbekistondagi vakolatxonasi:

«Inson huquqlari bo‘yicha Konvensiyaning 70 yilligiga bag‘ishlangan eng yaxshi material uchun» (ta'lim, madaniyat va ommaviy axborot vositalari sohalari bo‘yicha): Baxtiyor Nasriddinov, O‘zMTRK, «Madaniyat va ma'rifat» telekanali muxbiri.

Yevropa Ittifoqining O‘zbekistondagi delegatsiyasi:

1. Nargis Saidaliyeva, «Jahon» axborot agentligi muxbiri.

2. Dilafruz Qulmatova, «UzReport TV» telekanali boshlovchisi.

3. Ulug‘bek Shonazarov, O‘zbekiston Milliy axborot agentligi muxbiri.

Project HOPE (USAID dasturi) (AQSh):

1. «Sil kasalligining oldini olish va davolash masalalari yoritilgan eng yaxshi material uchun»: Xulkar Rajabova, «Qashqadaryo yoshlar sporti» gazetasi muxbiri; Nilufar Utaganova, Qashqadaryo viloyat teleradiokompaniyasi muharriri.

2. «Sil xastaligiga chalingan bemorlarga nisbatan bag‘rikenglik» mavzusidagi eng yaxshi material uchun»: Dilrabo Kuryazova, «Xorazm haqiqati» va «Xorezmskaya pravda» gazetalari muxbiri.

DVV International (Germaniya):

«Shaxs va jamiyat rivojida katta yoshdagilarni o‘qitish/boshqa kasbga yo‘naltirishning o‘rni haqidagi eng yaxshi material uchun» (faqat bosma va onlayn OAV jurnalistlari uchun): Gulmira Shukurova, «O‘zbekistonda chet tillar» elektron portali direktori.

«Mintaqaviy muloqot» xalqaro tashkiloti (Sloveniya):

«Korrupsiyaga qarshi kurash yoritilgan eng yaxshi material uchun»:

1. Anhor.uz veb-sayti jamoasi.

2. Anora Sodiqova, dia.uz veb-sayti bosh muharriri.

AQShning O‘zbekistondagi elchixonasi:

«O‘zbekiston va AQSh o‘rtasidagi aloqalar rivoji haqidagi eng yaxshi material uchun»: Boris Boboyev, erkin ijodkor.

XXRning O‘zbekistondagi elchixonasi:

1. «Shanxay hamkorlik tashkiloti doirasidagi samarali hamkorlik yoritilgan eng yaxshi material uchun»: Barchinoy Jo‘rayeva (jurnalist) va X.Qudratov (operator) O‘zMTRK.

2. «Xitoy va O‘zbekiston o‘rtasidagi ikki tomonlama munosabatlar rivoji haqidagi eng yaxshi material uchun»: Olimjon O‘sarov, «Keksalik gashti» jurnali bosh muharriri.

3. «Bir makon — bir yo‘l» qurilishi yoritilgan eng yaxshi material uchun: Li Yaoyuan, Tszinszi Jibao (Economics daily) gazetasining Toshkentdagi muxbiri.

Turkiya Respublikasining O‘zbekistondagi elchixonasi:

1. «O‘zbekiston va Turkiya o‘rtasidagi munosabatlar haqidagi eng yaxshi material uchun» (poytaxt jurnalistlari uchun):

Qamariddin Shayxov, Qalampir.uz sayti rahbari;

Umid Shermuhamedov, «Kun.uz» sayti bosh muharriri.

2. «O‘zbekiston va Turkiya o‘rtasidagi iqtisodiy hamkorlik haqidagi eng yaxshi material uchun» (hududiy jurnalistlar uchun):

Dilmurod Jumaboyev, Vodiymedia.uz/»VODIY MEDIA» MChJ direktori.

3. «O‘zbekiston va Turkiya o‘rtasida turizmni rivojlantirish masalalariga bag‘ishlangan eng yaxshi material uchun» (hududiy jurnalistlar uchun):

Munira Abdullayeva, ZO’R TV prodyuseri.

Ozarboyjon Respublikasining O‘zbekistondagi elchixonasi huzuridagi Ozarboyjon madaniyat markazi:

1. «O‘zbekiston va Ozarboyjon: Buyuk ipak yo‘lida qadim zamonlardan bugunga qadar»: Gulsara Sagatxanova, O‘zMTRK «Dunyo Bo‘ylab» telekanali muharriri.

2. «O‘zbekiston va Ozarboyjon — ko‘p millatli va bag‘rikeng mamlakatlar» mavzusidagi eng yaxshi material uchun»: Nargis Qosimova, O‘zDJTU xalqaro jurnalistika fakulteti dotsenti, jamoatchi jurnalist.

Markaziy Osiyo mintaqaviy ekologiya markazining O‘zbekistondagi filiali (RETssA):

«Suv-ekologiya mavzusidagi muammolar va ularning yechimlariga bag‘ishlangan eng yaxshi materiallar uchun» (iqlim o‘zgarishi sharoitida O‘zbekistonning shahar va qishloqlarida suvni tejash borasida amalga oshirilayotgan ishlar).

1. Ildar Mudarisov, «Uzbekistan today» axborot agentligi bosh muharriri.

2. Tatyana Petrenko, «Ekonomicheskoye obozreniye» jurnali muxbiri.

3. Qanaatov Yesimqan, Qoraqalpog‘iston axborot agentligi direktori.

Gyote instituti:

«O‘zbekistonning madaniyat sohasidagi siyosati masalalariga bag‘ishlangan eng yaxshi material uchun»:

Viloyat Shodibekova, O‘zMTRK «Dunyo Bo‘ylab» telekanali muharriri.

Gruziya Respublikasining O‘zbekistondagi elchixonasi:

Gulsara Sagatxanova va Mohir Murodov, O‘zMTRK «Dunyo Bo‘ylab» telekanali ijodiy guruhi.

Mavzuga oid
Top