2018 yil 1 may kuni Surxondaryo viloyat IIB Jinoyat qidiruv boshqarmasi Giyohvandlik vositalari bilan qonunga xilof ravishda muomala qilishga qarshi kurashish bo‘limi xodimlari tomonidan Denov tumanida tezkor tadbir o‘tkazildi, deb xabar bermoqda KUN.UZ’ga Surxondaryo viloyati IIB matbuot xizmati.
Natijada, Denov tumani, A.Karimov SIU, Dahana mahallasida yashovchi, 1966 yilda tug‘ilgan, S.A.ning yashash uyi va yordamchi xo‘jaliklari xolislar ishtirokida ko‘zdan kechirilganida, u yashash uyi va yordamchi xo‘jaligidan jami 125 tup “marixuana” giyohvandlik o‘simligini ekib parvarishlab kelayotganligi aniqlangan.
Hozirda ushbu holat yuzasidan viloyat IIB JQB xodimlari tomonidan tezkor-surishtiruv ishlari olib borilmoqda.
