09:49 / 24.05.2018
13528

«Rossiya ishi». Myuller Trampning kuyovini 7 soat so‘roq qilgan – CNN

Foto: AP

AQShda 2016 yil bo‘lib o‘tgan prezidentlik saylovlariga Rossiya aralashuvini surishtiruvdan o‘tkazayotgan maxsus prokuror Robert Myuller, 2018 yilning aprel oyida Qo‘shma Shtatlar prezidenti Donald Trampning kuyovi Jared Kushnerni yetti soat davomida so‘roq qilgan. Bu haqda CNN telekanali xabar berdi.

«Bir yil muqaddam Jared [Kushner] 2016 yilgi saylovlarga aralashuvni surishtiruvdan o‘tkazish bo‘yicha istalgan ishga yordam berishga eng birinchilardan bo‘lib rozi bo‘lgandi. O‘shandan beri u surishtiruvga to‘la ko‘mak ko‘rsatib keldi hamda kongress vakillari bilan soatlab so‘roqlarda ishtirok etdi, shuningdek, u maxsus prokuror Myullerning jamoasi bilan ikki marotaba suhbatlashdi», - deya Kushnerning advokati Abba Louell so‘zlarini keltiradi telekanal.

Advokatning ta'kidlashicha, uning mijozi barcha savollar bo‘yicha batafsil javob qaytargan. U Myuller bilan intervyu aniq qachon o‘tkazilganini aytmadi hamda so‘roq nima haqida bo‘lganiga oydinlik kiritmadi.

Shuningdek ta'kidlanishicha, Kushnerga maxfiy hujjatlardan foydalanish huquqi qaytarilgan. Avvalroq, u Oq uy apparati rahbari Jon Kelliga rasmiy shaxslarning maxfiy milliy ma'lumotlardan foydalanishi bo‘yicha ayblovlar qo‘yilgani tufayli pasaytirilgandi.

Eslatib o‘tamiz, bundan avval Myuller Trampga sud bilan tahdid qilgandi.

Mavzuga oid
Top