Foto: pixabay.com
Qozog‘iston eng arzon mobil internetga ega davlatlar reytingida 4-o‘rinni egalladi. Bu haqda Content Review va «Vympelkom» hisobotida aytilgan.
Mamlakatda 1 GB.ning o‘rtacha narxi 6 332 so‘mga teng. 2018 yilning may oyida jahon bo‘ylab 1 GB narxi o‘rtacha 35 882 so‘mni tashkil qilgan.
Tadqiqotchilar ma'lumotiga ko‘ra, eng arzon internet Eron (690 so‘m), Polsha (2,1 ming so‘m) va Venesueladadir (2,9 ming so‘m).
Eng qimmati esa - Yaponiya (106 ming so‘m), Janubiy Koreya (101 ming so‘m), Shveytsariya va BAAda (98,6 ming so‘m).
Ro‘yxatda O‘zbekiston yo‘q, Rossiya esa sakkizinchi o‘rinni egalladi (8,3 ming so‘m).
