Portugaliya, Islandiya va Saudiya Arabistoni terma jamoalari jahon chempionatida ishtirok etish uchun Rossiyaga yetib borishdi.
Yevropa chempionatining amaldagi g‘olibi - Portugaliya terma jamoasi Moskva viloyatidagi Kratovo shaharchasida istiqomat qiladi. Ular guruh bosqichida Ispaniya (15 iyun, Sochi), Marokash (20 iyun, Moskva) va Eron (25 iyun, Saransk) bilan bellashadi.
Islandiya terma jamoasi Gelenjik shahrida istiqomat qiladi. Heymir Hadlgrimsson shogirdlari guruh bosqichida Argentina (16 iyun, Moskva), Nigeriya (22 iyun, Volgograd) va Xorvatiya (26 iyun, Rostov-na-Donu) bilan kuch sinashadi.
Saudiya Arabistoni terma jamoasi Sankt-Peterburg shahrida istiqomat qiladi. Xuan Antonio Pitstsi shogirdlari JCh-2018 guruh bosqichida Rossiya (14 iyun, Moskva), Urugvay (20 iyun, Rostov-na-Donu) va Misr (25 iyun, Volgograd) bilan bellashadi.
