2018 yil 4 may kuni Sirdaryo viloyatining Sayxunobod tumanida yashovchi A.A. tuman MIBga ariza bilan murojaat qilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
U 2018 yil mart oyi oxirlarida “Sayxunobod tuman elektr tarmoqlari” korxonasi yuristi, muqaddam sudlangan S.O., fuqaro A.A.ning uyiga kelib, u tomonidan sarf qilingan elektr energiyasi qarzdorligini kamaytirib berishini va'da qilib, undan aldash yo‘li bilan 150.000 so‘m pulini olib, shu kungacha bergan va'dasini bajarmay kelayotganligini ma'lum qilgan.
Qayd etilishicha, S.O. ushlangan.
