O‘zbekiston Prezidentining 2003 yil 27 martdagi Farmoniga muvofiq uy-joy-kommunal xizmatlar haqini to‘lash bo‘yicha eng kam ish haqi hisobidan tabaqalashtirilgan miqdorlarda oylik kompensatsiya pul to‘lovlari joriy etilgan. Huquqiy ahborot kanali uy-joy-kommunal xizmatlar haqini to‘lash bo‘yicha kompensatsiya pul to‘lovlarining mexanizmi to‘g‘risidagi nizomga asosan kompensatsiya to‘lovlari kimlarga berilishi haqidagi ma'lumotlar bilan bo‘lishdi.
Quyidagi shaxslarga kommunal to‘lovlar bo‘yicha imtiyozlar beriladi:
- 1941 — 1945 yillardagi urush nogironlari va qatnashchilariga tenglashtirilgan shaxslar;
- o‘zgalar parvarishiga muhtoj yolg‘iz pensionerlar;
- Sovet Ittifoqi Qahramonlari, Sotsialistik Mehnat Qahramonlari va «Slava» ordenining uchala darajasi bilan mukofotlangan shaxslar;
- fashist konslagerlarining sobiq voyaga yetmagan mahbuslari;
- Leningrad shahri qamali davrida ishlagan fuqarolar;
- ko‘rish qobiliyati bo‘yicha I guruh nogironlari;
- Chernobil halokati oqibatida jabrlangan fuqarolar;
- yadro poligonlari va boshqa radiatsiya-yadro obektlarida harbiy xizmatni o‘tagan pensiya yoshidagi shaxslar.
