13:15 / 09.07.2018
15742

Yaponiya tabiiy ofat qurbonlari soni oshdi

Foto: REUTERS

Yaponiyada surunkali yomg‘irlar oqibatida ro‘y berayotgan ko‘chkilarda qurbon bo‘lganlar soni 100dan oshdi. Bu haqda TASS xabar bermoqda.
 
So‘nggi ma'lumotlarga ko‘ra, tabiiy ofat kamida 103 kishining yostig‘ini quritgan, yana 56 kishi bedarak yo‘qolgan. Yaponiyalik qutqaruvchilar mudofaa kuchlari bo‘linmalari ko‘magida qidiruv-qutqaruv amaliyotlarini davom ettirgan. 

Mamlakatning 19 provinsiyasida istiqomat qiluvchi qariyb 5 mln kishi uchun evakuatsiya tavsiyasi saqlanib qolmoqda. 30 mingga yaqin odam o‘z uylarini tark etib, maxsus markazlarda jon saqlamoqda. 

Tabiiy ofat natijasida transport harakatida uzilishlar kuzatilmoqda. Ayrim yirik zavod va korxonalar noma'lum muddatga ishni to‘xtatgan.

Mavzuga oid
Top