Buxoro viloyatining Qorako‘l tuman IIBga, “Qoraun” MFY, Qoraun qishlog‘ida yashovchi, “Boyli bobo” fermer xo‘jaligi rahbari Q.X ariza bilan murojaat qilib, “Yangizamon” MFY, Yangizamon qishlog‘ida yashovchi, ushbu MFY raisi, 1967 yilda tug‘ilgan Sh.I hamda “Kamolot” MFY, Kamolot qishlog‘ida yashovchi, “Qorako‘l-Qoraun” suvdan foydalanuvchilar uyushmasi rahbari, 1973 yilda tug‘ilgan R.A bilan oldindan jinoiy til biriktirib, “Qoraun” MFY hududidagi “Boyli bobo” f/x rahbari Q.X.ning ishonchiga kirib, unga tegishli fermer xo‘jaligi dalalarida yetishtirilgan bug‘doy hosilini tuman MTP tomonidan biriktirilgan kombaynlar bilan qisqa muddatda o‘rdirib berish va fermer xo‘jaligiga belgilangan majburiyatga asosan 10 foizlik bug‘doyni davlatga topshirtirmaslik evaziga ta'magirlik yo‘li bilan 400 AQSh dollarini pora tariqasida talab qilganligini bildiradi.
Xodimlar tomonidan olib borilgan tezkor tadbirlar davomida “Qorako‘l-Qoraun» suvdan foydalanuvchilar uyushmasi rahbari R.A kimyoviy ishlov berilgan 200 AQSh dollari va 1.600.000 so‘m pullarni olgan vaqtda ushlanib, ushbu holat tegishli tartibda rasmiylashtirilgan.
Mazkur holat yuzasidan R.A va Sh.Ilarga nisbatan O‘zbekiston Respublikasi Jinoyat kodeksining 168-moddasi 3-qismi va 211-moddasi 1-qismi bilan jinoyat ishi qo‘zg‘atilgan.
