Saudiya Arabistoni qiroli Yamanda prezident Abdu Rabb Mansur Xodiy tarafida jang qilib halok bo‘lgan yamanlik va sudanlik harbiylar oilalarining 1,5 ming a'zosini haj ziyoratiga taklif etish to‘g‘risida farmon chiqardi. Bu haqda Saudiya yangiliklar agentligi xabar berdi.
Islom ishlari bo‘yicha vazir Abdul Latif Abdul Aziz Al Shayxning so‘zlariga ko‘ra, "bu farmonning chiqarilishi ikki muqaddas masjid qo‘riqchisi Saudiya Arabistoni qirolining musulmonlarga, ayniqsa, Yaman hududi, uning xalqi shon-sharafini himoya qilishda halok bo‘lganlarning qarindoshlariga nisbatan saxovatidan darak beradi".
Saudiya Arabistoni 2015 yilda hukumatni egallab olgan "Ansar Alla" shialar harakati isyonchilariga qarshi prezident Xodi tarafida Yamanda harbiy harakatlar boshlagan koalitsiyaga boshchilik qilgandi. Bu koalitsiyaga qator arab davlatlari qo‘shilgan, eng ko‘p harbiylar BAA va Sudan tarafidan yuborilgandi.
