15:14 / 06.08.2018
10613
O‘zbekistonga Qozog‘istondan ko‘proq pul jo‘nata boshlashdi - 35 mln dollar 
Foto: Informburo.kz

Qozog‘istondan pul o‘tkazmalari hajmi bo‘yicha O‘zbekiston ikkinchi o‘rinni egalladi. Bu haqda Ranking.kz saytida Qozog‘iston Milliy bankining ma'lumotlariga tayangan holda xabar berilgan.

Joriy yilning birinchi yarmida Qozog‘istondan 44,6 milliard tenge (taxminan 127 million dollar) jo‘natildi. Yil davomidagi o‘sish 37,9%ni tashkil etdi (12,3 mlrd tenge yoki 35 mln dollar). Mamlakat ulushi 15,9%dan 16,8%gacha o‘sdi.

Ko‘proq pul faqat Rossiyaga jo‘natildi - 108,6 milliard tenge (310 million dollar). Yillik o‘sishi 27,4%ni tashkil etdi (23,4 mlrd tenge yoki 66 mln dollar).

Turkiya uchinchi o‘rinni egalladi, u yerga 29,5 milliard tenge (84 million dollar) jo‘natilgan. Yil davomidagi o‘sish deyarli 2 barobar (14,7 mlrd teng yoki 42 mln dollar). Mamlakatning ulushi 7,3%dan 11,1%gacha oshdi.

Top