Farer orollaridagi bino Skandinaviyadagi Henning Larsen firmasi tomonidan loyihalangan va bino daryo ustidan kesib o‘tgan. Bu g‘aroyib inshootda Eystura munitsipaliteti idorasi joylashgan bo‘lib, undan ko‘prik sifatida foydalansa ham bo‘ladi – bino tomida piyodalar yo‘lagi qurilgan.
Bino dizayni bilan ilgari Islandiyaning Reykyavik shahridagi konferents-markaz ustida ish olib borgan arxitektor Esbern Yakobsen shug‘ullangan.
“Bu inshoot zamonaviy Farer arxitekturasiga yaqinlashish usullaridan biri deb o‘ylayman”, - deydi u.
