11:59 / 08.08.2018
3717
Malayziya sobiq bosh vaziri ko‘p miqdordagi pulni o‘zlashtirganlikda ayblanmoqda
Foto: EPA

Malayziya sobiq bosh vaziri Najib Razzoqqa Kuala-Lumpur sudida pulni noqonuniy o‘zlashtirish qonuni bo‘yicha ayblovlar qo‘yilgan. U moliyaviy terrorizm va davlat mablag‘larini o‘z hisobiga o‘tkazish kabi jinoyatlarni sodir etgan. Bu haqida The Star nashri xabar bermoqda.

Najib Razzoq bank hisob raqamiga 3 xil yo‘nalish orqali pul o‘tkazilgan: SRC International davlat korporatsiyasi hisob raqamidan 1MDB milliy investitsiya jamg‘armasiga, undan bosh vazir hisobiga noqonuniy pul o‘tkazilgan. 

4 iyul kuni sobiq bosh vazirga 3ta band bo‘yicha ayblovlar qo‘yilgandi. Birinchisi o‘zining bank hisob raqamiga yirik summani o‘tkazgan. N.Razzoq hibsga olingandi, lekin garov pulini to‘laganligi uchun sudgacha vaqtinchalik ozod qilingandi. 

9 may kuni bo‘lib o‘tgan parlament saylovlarida Najib Razzoq boshchiligidagi koalitsiyani mag‘lubiyatga uchratishdagi asosiy omil – sobiq bosh vazir tomonidan tuzilgan va boshqarilgan 1MDB jamg‘armasi atrofidagi korrupsiya janjalidir. 

Mamlakat yangi bosh vaziri 92 yoshli Maxatxir Muhammad bo‘ldi. U 1981-2003 yillarda ham ushbu lavozimda faoliyat yuritgan. 

Top