22:35 / 24.09.2018
8146

O‘zi yig‘iluvchi Rubik kubigi taqdim qilindi

Yaponiyalik muhandis o‘zi mustaqil ravishda yig‘iluvchi Rubik kubigini taqdim qildi. Ushbu antiqa qurilma haqida DMM.make saytida ma'lumot berilgan.

Kubikning negizida qurilmaning aylanuvchi segmentlari, motorli mexanizm, o‘qlar bo‘yicha burilish mikrokontrollyorlari va akkumulyator yotadi. Muhandis qurilmaning texnik ko‘rsatkichlarini oshkor qilmagan: kubik u yoki bu rangdagi segmentning burilishini qanday bilishi, ularning joylashgan o‘rnini o‘chiq holda anglashi va avtomatik yig‘ishning maksimal tezligi qandayligi noma'lum.

Avvalroq ham ushbu muhandis avtomatik yig‘iluvchi Rubik kubigini taqdim qilgan, biroq u juda sekin ishlagan va uning ishlashi uchun segmentlar aylanishini qayd qilishga mo‘ljallangan tashqi ostsillograf zarur bo‘lgan.

Yaqinda amerikalik muhandislar Rubik kubigini 0,38 soniyada yig‘a olgan robotni taqdim qilishgandi. Muhandislar bu robot kubikning motori kuchlirog‘iga almashtirilsa, uni yanada tezroq yig‘a olishini ta'kidlab o‘tishgan.

Top