Foto: REUTERS / Leah Millis
AQSh davlat kotibi Mayk Pompeo saudiyalik jurnalist Jamol Qoshiqchining yo‘qolib qolishi masalasini muhokama qilish maqsadida Anqaraga tashrif buyurdi. Bu haqda Reuters xabar qilmoqda.
Mavjud ma'lumotlarga ko‘ra, Pompeo mamlakat prezidenti Rajab Toyyib Erdo‘g‘an, shuningdek, Turkiya tashqi siyosat idorasi rahbari Mavlud Chavusho‘g‘li bilan uchrashadi.
Eslatib o‘tamiz, avvalroq OAV Qoshiqchining qotillari Saudiya valiahd shahzodasi bilan aloqador ekani haqida xabar bergandi.
The New York Times ma'lumotlariga ko‘ra, muxolif jurnalisti Jamol Qoshiqchini o‘ldirganlikda gumon qilinayotganlar Saudiya Arabistoni valiahdi shahzodasi Muhammad bin Salmon bilan aloqalarga ega.
