Saudiya Arabistoni bosh prokurori Saud al-Muajibning ma'lum qilishicha, saudiyalik jurnalist Jamol Qoshiqchining o‘limi bo‘yicha ish yuzasidan 18 kishi qo‘lga olindi. Bu haqda RIA «Novosti» xabar bermoqda.
Al-Muajib so‘zlariga ko‘ra, Qoshiqchining o‘limiga aloqador bo‘lgan barcha kishilar javobgarlikka tortiladi.
«Qo‘lga olinganlar bilan tergov harakatlari davom ettirilmoqda. Hozirgi paytda 18 kishi ushlangan», - deya aytib o‘tdi al-Muajib.
Uning qo‘shimcha qilishicha, barcha qo‘lga olinganlar Saudiya Arabistoni fuqarolari sanaladi.
Eslatib o‘tamiz, avvalroq Saudiya Arabistoni Qoshiqchi hayotdan ko‘z yumganini tan olgandi.