Joriy yilning 29 oktabr kuni Toshkent davlat agrar universitetida Germaniyaning Leybnits nomidagi qishloq xo‘jaligini rivojlantirish instituti (IAMO) bilan birga “Xalqaro qishloq xo‘jaligi iqtisodiyoti” qo‘shma kafedrasi ochildi.
Kafedrada 3 ta doktorant va 2 ta magistrant uchun Germaniyaning “Folktsvagen” fondi 4 yilga mo‘ljallangan stipendiya ajratgan.
Shu bilan birga kafedrada Germaniyaning 3 ta professor o‘qituvchisi muntazam ravishda faoliyat olib borib, doktorantlarga ilmiy rahbarlik qilishi ko‘zda tutilgan.
IAMO - mintaqaviy qishloq xo‘jaligi sohasida fundamental va amaliy tadqiqotlar o‘tkazishga ixtisoslashgan. Shu jumladan, agrar siyosati, oziq-ovqat xafsizligi, qishloq hududlarida tadbirkorlikni rivojlantirish, fermer xo‘jaliklarini boshqarish va atrof-muhitni muhofaza qilish kabi masalalar o‘rganiladi.