Qutb arxipelagi Shpitsbergenda ilk bor bank talandi. Jinoyatchi ko‘p o‘tmay qo‘lga olingan, deb xabar berdi The Local nashri.
O‘g‘rilik arxipelagning ma'muriy markazi va dunyodagi eng shimoliy aholi punkti hisoblanuvchi, 2 ming kishilik Longyirda yuz bergan.
Qurollangan erkak bankka bostirib kirib, pullarni talab qilgan. Ularni olgach esa noma'lum yo‘nalishda g‘oyib bo‘lgan. Ko‘p o‘tmay politsiyachilar jinoyatchini ushlashgan. Aniqlanishicha, u Shpitsbergen bo‘ylab sayohat qilib yurgan xorijlik bo‘lgan. O‘g‘ri politsiya tomonidan so‘roq qilish uchun Tromsega yetkazilgan.
Nashrning ta'kidlashicha, arxipelagda o‘g‘rilikni amalga oshirish ehtimoli juda kam, chunki bu yerda aholi soni oq ayiqlar sonidan ancha kamroqni tashkil qiladi. Misol uchun, Longyirda 2 mingga yaqin odam yashaydi va deyarli hamma bir-birini taniydi.
