Foto: AP Photo / Olmo Calvo
Yevroittifoqning O‘rta Yer dengizida o‘tkazgan harbiy-dengiz operatsiyalari natijasida o‘tgan uch yil ichida Afrika va Yaqin Sharq mamlakatlaridan bo‘lgan 650 mingdan ortiq qochoq qutqarildi. Bu haqda migratsiya, ichki ishlar va fuqarolik masalalari bo‘yicha yevrokomissar Dimitris Avramopulos ma'lum qildi.
O‘tgan yilning martida YeI davlatlari O‘rta Yer dengizi orqali migrantlarning noqonuniy olib o‘tilishi va odamlarni qutqarish bo‘yicha “Sofiya” missiyasi mandatini 2019 yil martigacha uzaytirishga kelishib olgandi.
Keyinchalik “Sofiya” nomini olgan EUNAVFOR MED operatsiyasi 2015 yildan buyon o‘tkazib kelinadi va Yevropaga O‘rtayer dengizi orqali o‘tishga uringan migrantlarni qutqarishga qaratilgan.
