Foto: Anadolu Agency/Getty Images
Qarorgohi Ramalloh shahrida bo‘lgan Falastin hukumati rasman iste'fo berdi. Bu haqda Asharq Al-Awsat gazetasi xabar bermoqda.
Xabarda aytilishicha, Falastin bosh vaziri Rami Hamdalla boshchiligidagi mahkama to‘liq tarkibda rasman iste'foga chiqqan.
Hukumatning barcha a'zolari yangi mahkama shakllanguniga qadar o‘z vazifalarini bajarishda davom etishadi.
Avvalroq mamlakat prezidenti boshchiligidagi FATH harakati markaziy qo‘mitasi Falastin ozodlik tashkilotining barcha fraksiyalarini o‘z ichiga olgan yangi hukumatni shakllantirishni tavsiya qilgandi.
Bosh vazirning rasmiy vakili Yusuf al Mahmudning aytishicha, "bosh vazir mahkamani Abbos ixtiyoriga topshirgan".
