Bugun, 2 fevral kuni Toshkent vaqti bilan soat 17:04da Afg‘onistonda zilzila sodir bo‘ldi. Bu haqda FVV Seysmoprognostik monitoring Respublika markazi xabar qildi.
“Koordinatalar 37,29 gradus shimoliy kenglik, 70,39 gradus sharqiy uzunlik. Magnituda M=5,4. Chuqurlik h=100 km. Toshkentgacha masofa 453 km janubiy yo‘nalish bo‘yicha”, deyiladi xabarda.
Ma'lum qilinishicha, zilzila kuchi O‘zbekiston hududida 2 ballga teng bo‘lgan.
Talofatlar va jabrlanganlar to‘g‘risida ma'lumot kelib tushmaganligi aytilmoqda.
