09:47 / 06.02.2019
11664
«Bizda tanlash imkoni yo‘q». Tramp raketalar bo‘yicha bitim haqida bayonot berdi
Foto: AP

Qo‘shma Shtatlar prezidenti Donald Tramp O‘rta va kichik masofadagi raketalarni yo‘q qilish to‘g‘risidagi bitimdan chiqishni majburiy qadam, deb atadi. Uning kongress oldidagi chiqishi Fox News tomonidan translatsiya qilindi.

Trampning so‘zlariga ko‘ra, Amerika tomoni bitimga to‘liq hajmda rioya qilgan, Rossiya esa uni ko‘p marta buzdi. Uning ta'kidlashicha, aynan shuning uchun bitimdan chiqish to‘g‘risidagi qarorga keldi.

«Bizda tanlash imkoni yo‘q», - dedi Tramp.

Uning qo‘shimcha qilishicha, boshqa mamlakatlar, jumladan, Xitoyni jalb qilgan holda yangi bitimga erishish imkoniyati mavjud.

Eslatib o‘tamiz, avvalroq Putin Rossiya raketalar bo‘yicha bitimdagi ishtirokini to‘xtatishi haqida ma'lum qilgandi.

Top