AQSh prezidenti Donald Tramp Yevropa davlatlarini, jumladan Buyuk Britaniya, Fransiya va Germaniyani IShIDga a'zo bo‘lgan 800 dan ko‘p jangarini “qaytarib olishga” va ularni sudga topshirishga chaqirdi.
“AQSh Britaniya, Fransiya, Germaniya va Yevropaning boshqa davlatlarini Suriyada qo‘lga tushgan 800 dan ko‘proq jangarini qaytarib olishga va ularni sudga topshirishga chaqiradi”, deb yozgan Tramp tvitterda.
“Halifalik mana-mana yakson bo‘ladi”, deb qo‘shimcha qilgan AQSh rahbari.
“AQSh IShID jangarilarining Yevropaga kirib borishini kuzatib turishni istamaydi. Biz ko‘p narsa va ko‘p sarf-xarajat qilmoqdamiz. Boshqalarning faollashishi va qo‘lidan keladigan ishni qilishi vaqti keldi”, deb yozgan Tramp.
