Foto: RIA Novosti
Moskvaning TsSKA xokkey klubi Kontinental xokkey ligasi chempionati doirasida Yaroslavlning “Lokomotiv” klubini bullitlar bo‘yicha 2:1 hisobida mag‘lub etib, 2018/2019 yillardagi mavsumning muddatdan avval chempioniga aylandi.
“Lokomotiv” tarkibida Brendon Kozun 1-daqiqada, TsSKA tarkibida Anton Slepishev 60-daqiqada o‘z hisoblariga gol yozib qo‘yishgan. Bu g‘alaba armiyachilarning qatorasiga 9-g‘alabasi bo‘ldi.
Ayni vaqtda TsSKA hisobida 61 ta o‘yindan keyin 104 ochko bor. Uning ortidan kelayotgan Sankt-Peterburgning SKA klubi 101 ochkoga ega. Shu tariqa, Moskva klubi muntazam chempionat tugashiga bitta o‘yin qolganda o‘ziga oltin medalni ta'minlab qo‘ydi.
Chempionatning so‘nggi turida TsSKA Riganing “Dinamo”si bilan uchrashadi.
