9061 USD +179.00

10092.1 EUR +163.84

138.47 RUB +2.09

10926.7 GBP +151.91

20:25 / 01.03.2019 10697

Afg‘onistondagi harbiy bazaga hujumda xavfsizlik kuchlarining 40 xodimi halok bo‘ldi 

Afg‘oniston janubidagi Gilmand viloyatida joylashgan harbiy bazaga jangarilar hujumi oqibatida xavfsizlik kuchlarining kamida 40 xodimi halok bo‘ldi. Bu haqda 215-armiya korpusi “Mayvand” vakillariga iqtibos keltirgan holda TOLO News telekanali ma'lum qildi.  

Ta'kidlanishicha, hujum qaytarilgan. Xavfsizlik kuchlari 20 jangarini yo‘q qilishga muvaffaq bo‘lgan.  

Avvalroq telekanal bir guruh jangarilar harbiy bazaga hujum qilganini ma'lum qilgan. Hujum 1 mart kuni erta tongda boshlangan. Hujumda kamida 27 jangari, jumladan 7 xudkush ishtirok etgan. “Pajvak” axborot agentligi ma'lumotlariga ko‘ra, hujumni “Tolibon” jangarilari amalga oshirgan.

Top