AQSh prezidenti Donald Tramp Amerika fuqarosi Otto Uormbirning o‘limi uchun Shimoliy Koreya mas'ul ekanini tan oldi.
Bu haqda u tvitterda yozgan.
«Men Shimoliy Koreyani Otto bilan shafqatsiz munosabatda bo‘lganlik uchun mas'ul deb hisoblayman, aynan shu uning o‘limiga sabab bo‘ldi», - deb yozgan u.
Otto Uormbir KXDRda devordan targ‘ibot plakatini yulib tashlagani uchun qamalgandi. O‘shanda u 15 yilga ozodlikdan mahrum etildi.
Uchinchi davlatlar vositachiligidan ozodlikka chiqqan yigit tez orada Amerikadagi o‘z uyida xastalikdan vafot etdi.
Eslatib o‘tamiz, avvalroq Kim Chen In Trampdan nima haqida so‘ragani ma'lum bo‘lgandi.