00:06 / 06.03.2019
9086

Afg‘onistonda kuchli yomg‘irlar sababli 60 ga yaqin kishi halok bo‘ldi 

Afg‘oniston janubida oxirgi bir necha kun kuchli yomg‘irlar va toshqinlar sababli 60 ga yaqin odam halok bo‘ldi, 140 dan ko‘proq jarohat oldi. Bu haqda Afg‘onistonning tabiiy ofatlarni bartaraf etish boshqarmasi davlat vaziri Najib Hakimga iqtibos keltirgan holda Tolo News telekanali ma'lum qildi. 

Vazirning ta'kidlashicha, Qandahor, Zabul va Farah viloyatlarida minglab jabrlangan oilalarga shoshilinch yordam ko‘rsatilgan.

Avvalroq Afg‘onistonning 8 ta viloyatida 1 martdan boshlab kuchli yomg‘irlar va toshqinlar kuzatilayotgani ma'lum qilingandi. Tabiiy ofatdan mamlakat infratuzilmasi, jumladan, maktablar, ko‘priklar, masjidlarga ham talofat yetgan.  

Top