Ijtimoiy tarmoqlar va ayrim Telegram kanallarida YPX inspektorlarining yangi formasi surati paydo bo‘ldi.
Zed News Telegram kanali ma'murlarining xabar berishicha, bugun, 16 mart kuni YPX inspektorlari yangi formasini tajriba tariqasida sinovdan o‘tkazish boshlangan.
Eslatib o‘tamiz, joriy yilning yanvar oyida Toshkent shahar IIBB boshlig‘i Rustam Jo‘rayev yaqin oylar ichida ichki ishlar tizimi xodimlari uchun yangi formalar jamoatchilikka taqdim etilishi to‘g‘risida ma'lum qilgandi.
«Yangi formalar har qanday rasmiy chiziqlardan xoli va qulay bo‘lishiga e'tibor qaratiladi. Chunki jamoatchilik orasida yuruvchi, operativ jarayonlarda ishtirok etuvchi ichki ishlar xodimi chaqqon bo‘lishi lozim», - deya aytib o‘tgan Rustam Jo‘rayev maxsus brifingda.
