Foto: The Woman’s Hospital of Texas/Facebook
AQShning Texasida yashovchi ayol 9 daqiqa ichida 6 nafar farzandni dunyoga keltirdi. Bu haqda mahalliy shifoxonaning feysbukdagi sahifasida ma'lum qilingan.
Noodatiy hodisaga Hindustantimes nashri e'tibor qaratgan.
Ma'lum qilinishicha, ayol tonggi soat 4:50 dan 4:59 gacha 4 nafar o‘g‘il va 2 nafar qiz farzandni dunyoga keltirgan.
Shifoxona vakillarining ta'kidlashicha, 6 nafar egizakning tug‘ilishi ehtimoli 4,7 milliardga bittani tashkil qiladi.
Nashrning ta'kidlashicha, bolalar va ona o‘zlarini yaxshi his qilmoqdalar va shifokorlar kuzatuvi osti qolmoqdalar.
