Angliya Kubogining chorak finali doirasidagi to‘rtinchi uchrashuv ham yakunlandi. Unda chempionship vakili «Milluol» «Brayton»ni qabul qilib, 2:0 hisobidagi ustunlikni saqlab qololmadi.
O‘yinning 70-daqiqasida Pirs mezbonlarni oldinga olib chiqdi.
💥 | Thumping header from Pearce gives @MillwallFC the lead! pic.twitter.com/6cVsBOmzg5
— The Emirates FA Cup (@EmiratesFACup) 17 marta 2019 g.
9 daqiqa o‘tib O`Brayyen jamoasi ustunligini oshirdi.
👏 | O'Brien taps in to take @MillwallFC one step closer to Wembley! pic.twitter.com/Kozl6tVcpA
— The Emirates FA Cup (@EmiratesFACup) 17 marta 2019 g.
Ammo o‘yinning qolgan daqiqalarida «Brayton» futbolchilari Lokadiya va March bittadan gol urib, o‘yinni qo‘shimcha bo‘limlarga olib o‘tishdi.
👀 | Locadia smashes home to get one back for @OfficialBHAFC pic.twitter.com/99Z2kYLDvC
— The Emirates FA Cup (@EmiratesFACup) 17 marta 2019 g.
😱 | Solly March's free kick goes straight in to send us to extra time! pic.twitter.com/4HfF2kM7re
— The Emirates FA Cup (@EmiratesFACup) 17 marta 2019 g.
Overtaymlarda durang natija o‘zgarmadi va o‘yin hakami jamoalarni penaltilar seriyasiga taklif etdi. Futbol lotereyasida esa «Brayton»ning qo‘li baland keldi - 5:4.
Shu tariqa, «Brayton» Angliya Kubogining yarimfinaliga yo‘l oldi, «Milluoll» esa turnirni tark etdi.
Bungacha Angliya Kubogining 1/2 finaliga «Uotford», «Vulverhempton» va «Manchester Siti» yo‘l olgandi. Bu jamoalar mos ravishda «Kristal Pelas», «Manchester Yunayted» va «Suonsi»ni mag‘lub etishgandi.
«Milluoll» va «Brayton» o‘rtasidagi o‘yin yakunlanishi bilanoq turnirning yarimfinali uchun qur'a tashlash marosimi bo‘lib o‘tdi.
Qur'aga ko‘ra, yarimfinalda «Manchester Siti» «Brayton»ga qarshi, «Uotford» esa «Vulverhempton»ga qarshi o‘ynaydigan bo‘ldi.
Angliya Kubogi
1/4 final
Milluoll – Brayton 2:2 (penaltilar seriyasida 4:5)
Gollar: 1:0 – 70 Pirs, 2:0 – 79 O`Brayyen, 2:1 – 88 Lokadiya, 2:2 – 90 March.
Milluoll – Martin, Kuper, Pirs, Romeo, Uolles (Xatchinson, 90), Fergyuson, Tannikliff, Leonard, Uilyams, O`Brayyen (Meredit, 85), Gregori (Morison, 90).
Brayton – Rayan, Daffi, Bernardo, Montoyya, Dank, Propper, Stivens, Knokert (Lokadiya, 73), Kayyal (Iskerdo, 73), Djaxanbaxsh (March, 67), Myurrey.
Penaltilar seriyasi: 1:0, 1:1, 2:1, 2:2, 3:2, 3:3, 4:3, 4:4, 4:5.
Ogohlantirishlar: Bernardo (35), Montoyya (69).
Chetlatish: Fergyuson (119).
