21:45 / 17.03.2019
2087
Valtteri Bottas “Formula-1”ning yangi mavsumidagi ilk g‘olibi bo‘ldi

“Mersedes” jamoasining finlyandiyalik poygachisi Valtteri Bottas “Formula-1” poygasining yangi mavsumdagi ilk poygasi – Melburnda o‘tgan Avstraliya gran-prisida g‘olib bo‘ldi.

Bottas a'lo darajada start olib, poyga boshidanoq amaldagi chempion Lyuis Xemiltondan ancha o‘zib ketib, poyga oxirigacha yetakchilikni saqlab qolgan.

Bottas poygadagi eng tez o‘tilgan aylana uchun qo‘shimcha ochkolar oldi va bir poygada 26 ochko to‘play olgan tarixdagi ilk poygachi bo‘ldi.

2-o‘rinni egallagan Xemilton oxirgi 6 mavsumdan beri Melburndagi poygada poulni yutib keladi, ammo bor-yo‘g‘i bir marta poyga g‘olibi bo‘lgan. Bu gal ham chempionning ushbu trassada omadi chopmadi.

Marraga uchinchi bo‘lib “Red Bull” a'zosi Maks Ferstappen yetib kelgan. 

Poyganing 2-bosqichi 29-31 mart kunlari Bahraynda bo‘lib o‘tadi.

Top