23 martdan boshlab Toshkentda isitish tizimi reja asosida o‘chiriladi, deb xabar bermoqda Toshkent shahar hokimligi matbuot xizmati.
“Joriy yilning 23 martidan boshlab havo harorati ko‘tarilishi munosabati bilan Toshkent shahrida isitish tizimini reja asosida navbatma-navbat o‘chirish bo‘yicha ishlar olib boriladi”, - deyiladi xabarda.
Bundan oldin, 25 martdan boshlab Toshkentda issiq suvni rejalashtirilgan tarzda o‘chirish boshlanishi xabar qilingandi.
Xususan, 2019-2020 yilgi isitish mavsumiga Toshkentda sifatli tayyorgarlik ko‘rish maqsadida:
- 25 martdan 5 aprelgacha issiqlik tarmoqlarida iste'molchilarni issiq suv bo‘yicha cheklash orqali hisoblash haroratiga sinovlar o‘tkaziladi;
- 3 apreldan 26 aprelgacha issiqlik tarmoqlarida iste'molchilarini issiq suv bo‘yicha cheklamagan holda mexanik chidamlik va zichlik (yuqori bosim) tekshiriladi.
