8584.5 USD +6.14

9673.87 EUR +45.52

136.34 RUB +1.82

10793.3 GBP +50.61

17:18 / 24.03.2019 4358

Frankfurt-Mayn shahrida Navro‘z bayrami nishonlandi

Foto: Turizmni rivojlantirish davlat qo‘mitasi matbuot xizmati

O‘zbekistonning Frankfurt-Mayn shahridagi Bosh konsulxonasi hamda Turizmni rivojlantirish davlat qo‘mitasi tomonidan Frankfurt-Mayn shahrida Navro‘z bayrami munosabati bilan bayram tadbiri tashkil etildi. Bu haqda Turizmni rivojlantirish davlat qo‘mitasi matbuot xizmati xabar berdi.

Unda 400 dan ortiq nemis siyosiy, iqtisodiy, madaniyat, jamoatchilik va ommaviy axborot vositalari vakillari qatnashdi.

Foto: Turizmni rivojlantirish davlat qo‘mitasi matbuot xizmati

“Tadbir davomida Turizmni rivojlantirish davlat qo‘mitasi ko‘magida ijodiy safari tashkil etilgan “Tasanno” musiqiy guruhi chiqishlari xorijlik mehmonlarda O‘zbekiston san'ati va madaniyati haqida iliq taassurot qoldirdi. Shuningdek, tadbirda o‘zbek xalq hunarmandchiligi namunalari namoyish etildi hamda ishtirokchilarga O‘zbekistonning turizm salohiyatiga oid nemis tilida turli targ‘ibot materiallari tarqatildi”, deyiladi xabarda.

Bundan tashqari, tadbir davomida Navro‘z taomlari bo‘lgan sumalak, halim, ko‘ksomsa, palov va boshqa taomlar tayyorlanib, tadbir ishtirokchilarga ulashildi.

Foto: Turizmni rivojlantirish davlat qo‘mitasi matbuot xizmati

“Bugun frankfurtliklar ajoyib musiqa va o‘zbekcha raqslarga guvoh bo‘lishmoqda, avvallari hech qachon totib ko‘rmagan somsa yoki palovlarni totib ko‘rish imkoniyatiga ega bo‘lishmoqda. Albatta, O‘zbekistonga sayohat qilib, tarixiy shaharlarni, o‘zbek xalqining boy urf-odatlari, milliy liboslari-yu ajoyib tabiati bilan yaqindan tanishish niyatidaman”, – deydi Frankfurt-Mayn shahri mahalliy kengashi deputati Albina Natsarenus-Fetter.

Turizmni rivojlantirish davlat qo‘mitasi delegatsiyasining tashrifi davom etmoqda.

Top