Avstraliya bosh vaziri Skott Morrisonning ma'lum qilishicha, WikiLeaks asoschisi avstraliyalik Julian Assanj mamlakat hukumati tomonidan «maxsus» yordam olmaydi. Bu haqda RIA «Novosti» xabar bermoqda.
Uning so‘zlariga ko‘ra, Assanjga istalgan avstraliyalikka bo‘lgani kabi odatiy konsullik yordami taqdim etiladi.
Shuningdek, uning qo‘shimcha qilishicha, WikiLeaks asoschisi qonun oldida javob berishi kerak.
Bundan oldin, Ekvadorda Assanjning sherigi ushlangani xabar qilingandi.
Jurnalist, WikiLeaks sayti asoschisi Julian Assanj josuslik mojarolari haqidagi o‘ta maxfiy materiallarni e'lon qilib kelgan. 2010 yilda Shvetsiyada uni hibsga olish uchun order berildi. 2012 yilda Assanj Ekvadorning Londondagi elchixonasiga yashirindi va ushbu davlat rahbariyatidan siyosiy boshpana so‘radi. U yetti yil davomida elchixonada yashadi, 2019 yil 11 aprel kuni Ekvador unga boshpana bo‘yicha rad javobi berdi.
