19:22 / 13.04.2019
12370
Malayziya sobiq bosh vazirining rafiqasi 23 mln dollarga taqinchoq sotib olgani ma'lum bo‘ldi
Rozma Mansur/Foto: EPA-EFE/FAZRY ISMAIL

Malayziya politsiyasi mamlakat sobiq bosh vaziri Najib Razzoqning rafiqasi Rozma Mansur 1MDB davlat investitsiya fondidan o‘g‘irlangan mablag‘larga pushti brilliantlardan tayyorlangan, narxi 23 mln dollarlik taqinchoq sotib olganini aniqladi. Bu haqda politsiya vakili Xalil Azlan ma'lum qildi.

"Najib Razzoqning uyi va qarorgohida o‘tkazilgan tintuvda ushbu taqinchoq chiqmagan bo‘lsa-da, biz uning Nyu-Yorkda sotib olingani to‘g‘risida yetarlicha dalillarga egamiz", - dedi politsiya vakili. 

Avvalroq sobiq bosh vazir taqinchoqni uning rafiqasiga Abu-Dabining merosxo‘r shahzodasi Muhammad bin Zayd Ol Nohayon sovg‘a qilganligini aytgandi.

Shu haftada Rozma Mansurga 1,2 mln dollarga yaqin mablag‘ni pora sifatida olganligi bo‘yicha yangi ayblov e'lon qilingandi. Avvalroq unga nisbatan mablag‘ o‘zlashtirish va terrorizmni moliyalashtirish bo‘yicha 17ta ayblov e'lon qilingan.

Top