Yurtimizda turistik mavsum boshlandi. Ayniqsa tarixiy shaharlarda. Buxoroda boshqa shaharlarga qaraganda sayyohlar ko‘p desak, ishonavering. Samarqandda dam olish kunlar «oyoq qo‘yadigan joy bo‘lmasligi» rost, lekin Samarqandga boradiganlarning ko‘pchiligi o‘zimizning sayohatchilar.
Buxoroda esa boshqa mamlakatdan kelgan sayyohlar juda ko‘p. Buni shahar vokzaliga kelishingiz bilan sezasiz. Chunki Buxoro chinakamiga qadimiyligini saqlab qolgan go‘zal shahar. Ayniqsa Eski shahar qismi. Bu yerdagi tor ko‘chalarda deyarli odam yashaydigan uylarni ko‘rmaysiz, har yerda kichik-kichik mehmonxonalar.
Eski shahardagi ko‘chalar ham tarixiyligini saqlab qolgan. Shahar ayniqsa kechasi chiroyli bo‘ladi. Tun yarmidan og‘ganda sukunat bag‘riga cho‘mgan Buxoroning bejirimgina Eski shahrini kezdik. Afsus, kamera inson ko‘zi anglagan go‘zallikni aynan yetkazib bera olmaydi, lekin imkon boricha Eski shaharning eskirmaydigan ko‘rinishini kadrga muhrlashga intildik. Quyida o‘sha suratlarimizning ba'zilarini sizga-da ilinamiz...
Ha nima, ko‘p yurgandan keyin turistning «chet eldan keltirilgan» oyoq kiyimi ham yirtiladi-da, to‘g‘rimi?
