15:50 / 21.04.2019
12033

Shavkat Mirziyoyev Shri-Lanka prezidentiga hamdardlik bildirdi

Foto: AP/TASS

O‘zbekiston Prezidenti Shavkat Mirziyoyev Shri-Lankada yuz bergan portlashlar munosabati bilan mamlakat prezidenti Maytripala Sirisenaga hamdardlik bildirdi. Bu haqda O‘zbekiston prezidenti matbuot xizmati xabar berdi.

«O‘zbekiston Respublikasi Prezidenti Shavkat Mirziyoyev Shri-Lankada yuz bergan portlashlar oqibatida ko‘plab insonlar halok bo‘lgani munosabati bilan mamlakat prezidenti Maytripala Sirisenaga hamdardlik bildirdi», deyiladi xabarda.

Eslatib o‘tamiz, 21 aprel kuni Shri-Lankada ketma-ket 8ta portlash yuz berdi. Poytaxt Kolombo shahri markazidagi uchta mehmonxona, katolik cherkovida hamda poytaxt yaqinidagi Negombo va Battikaloa shahridagi cherkovlarda portlashlar sodir etilgan. Cherkovlarda bu vaqtda Pasxa bayrami munosabati bilan ibodatlar davom etayotgan edi.

Oxirgi ma'lumotlarga ko‘ra, portlashlar oqibatida halok bo‘lganlar soni 185 nafarni tashkil qilmoqda. Shuningdek, 500 nafarga yaqin kishi jarohatlangan.

Mavzu
Shri-Lankadagi fojia
21 aprel kuni Shri-Lankada davomli teraktlar ro‘y berdi va kamida 320 kishi halok bo‘ldi
Barchasi
Top