AQSh prezidenti Donald Tramp The New York Times nashridan tiz cho‘kib uzr so‘rashini talab qildi. Bu haqda Tramp Twitter’da yozgan.
“Qiziq, The New York Times 2016 yilgi saylovlardan keyin uzr so‘raganidek ikkinchi marotaba uzr so‘rarmikan... Lekin bu safar ular tiz cho‘kib, yolvorib kechirim so‘rashlariga to‘g‘ri keladi – ular haqiqatan ham halq dushmanlaridir!”, deb yozgan Oq uy rahbari.
Tramp aynan qaysi maqola unda norozilik keltirib chiqarganiga aniqlik kiritmagan. Biroq 22 aprel kuni The New York Times’da sharhlovchi Pol Krugmanning maqolasi chop etilib, unda sharhlovchi navbatdagi marta Trampni Rossiyaning AQShdagi prezident saylovlariga ehtimoliy aralashuvi tergovi o‘tkazilishiga to‘sqinlik qilishda, Respublikachilar partiyasini esa AQSh qadriyatlariga ishonch yo‘qlikda ayblagan.
Trampning fikricha, Krugman “The New York Times kabi yolg‘on va noto‘g‘ri qaydlari sababli har qanday ishonchni yo‘qotgan”.
Tramp AQShdagi liberal OAVni unga va ma'muriyati qarorlariga noxolis munosabatda bo‘lishda ayblab keladi.
