Shu yil 18 yanvar kuni noma'lum shaxs Toshkent shahrining Chilonzor tumanida vaqtincha yashovchi S.M.ning uyiga shaxta orqali kirgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.
Bu shaxs yotoqxonadan 17.400.000 so‘m puli, 500 AQSh dollari va umumiy qiymati 30 mln. so‘mlik turli xildagi zargarlik buyumlarini o‘g‘irlab ketgani holati yuzasidan jinoyat ishi qo‘zg‘atilgan.
Ko‘rilgan choralar natijasida ushbu jinoyatni Toshkent viloyati Angren shahri 18-dahada yashovchi D.Ch. sodir etganligi aniqlanib, ushlangan.
Tergov davom etmoqda, deyiladi xabarda.
