8518.68 USD +5.11

9652.52 EUR +145.42

131.33 RUB +0.92

10847.7 GBP +94.20

16:03 / 10.05.2019 4498

Bosh prokuratura: noqonuniy olib kirilgan kompyuter qurilmalari aniqlandi

Bosh prokuratura huzuridagi Departamentning Zangiota tumani bo‘limi va Toshkent viloyati bojxona xodimlari bilan hamkorlikda tezkor tadbir o‘tkazildi. 

Mahkama matbuot xizmati xabariga ko‘ra, unda fuqaro D.I. Qozog‘iston Respublikasida yashovchi “Erlan” ismli shaxs bilan oldindan til biriktirib, xorijda ishlab chiqarilgan jami 169,3 mln. so‘mlik kompyuter qurilmalarini bojxona nazoratini chetlab o‘tgan holda olib o‘tib, Zangiota tumani Eshonguzar qo‘rg‘oni hududida fuqaro Yo.S.ga 105,0 mln. so‘mga sotgan vaqtida ashyoviy dalillar bilan ushlangan.

Mazkur holat yuzasidan D.I.ga nisbatan O‘zbekiston Respublikasi Jinoyat kodeksining tegishli moddalari bilan jinoyat ishi qo‘zg‘atildi.

Hozirda tergov harakatlari o‘tkazilmoqda.

Top