Eron Vashington unga qarshi biror kuch harakatlari amalga oshirsa, AQSh “boshiga zarba” beradi. Bu haqda Islom inqilobi soqchilari korpusi brigada generali Amir-Ali Hojizoda aytib o‘tdi, deb xabar berdi Al Arabia telekanali.
“Agar amerikaliklar o‘z qadamini amalga oshirsa, biz ularning boshiga zarba beramiz”, deb aytgan harbiy.
Hojizodaning ta'kidlashicha, AQShning Yaqin Sharqdagi harbiy mavjudligi jiddiy xavf solgan edi, biroq endi “bu xavf zarba berish imkoniyatiga aylandi”.
Bir hafta avval AQSh prezidentining milliy xavfsizlik bo‘yicha maslahatchisi Jon Bolton AQSh Eron sohillariga “Avraam Linkoln” aviatashuvchi kemasini va bombardimonchi samolyotlar guruhini yuborayotganini ma'lum qilgan. Uning aytishicha, bu “Eron tuzumiga AQShning manfaatlariga har qanday hujum qaqshatqich kuch bilan qarshi olinishiga yaqqol signal” bo‘ladi.
